「爸爸，你有冇錢買 Zero One 㗎？」誦仔問。「er ...」「嗱！我都話爸爸冇錢買，一定係 ...

「爸爸，你有冇錢買 Zero One 㗎？」誦仔問。「er ...」「嗱！我都話爸爸冇錢買，一定係 Santa Claus 送㗎喇！」原來說的是上年聖誕的禮物，還以為叫爸爸買新玩具。

誦仔向我們解釋道：「Joshua （正仔）話聖誕禮物係爸爸媽媽送喎，但係你哋點樣可以半夜去買禮物呀，夜晚所有店舖都關門喇。」

「可能一早買咗但收埋咗呢！」正仔繼續說服弟弟。「到 Christmas Day 先拎出嚟。」

「有可能嗎？你哋成日周圍摷嘢，買咗咁多玩具會逃得過你哋嘅法眼咩？你哋一定好快就發現喇。」我要出手幫忙維持對 Santa 的美好想像。

大家都似乎覺得媽媽很有道理，正仔突然靈機一閃，說道：「淘囉，一定係淘寶，然後半夜先送嚟。」

「其實呢，我哋可以放個 cctv 就知道答案，但亦有可能爸爸媽媽唔想畀我哋發現真相，就唔再送聖誕禮物畀我哋。」正仔繼續發表意見。

「聖誕老人是否存在」一直是我家孩子好喜歡討論的話題。

最後我說：「你哋宜家都咁大個，其實 6 歲後嘅小朋友就唔會再收到聖誕老人嘅禮物㗎喇。」孖仔立即反駁道：「Joshua 8 歲，上年聖誕都收到禮物喇。」又係喎，這世代的小朋友真的很難騙得到。

---